МЕК

На 15.06.2011 година со почеток од 12.00 -13.00, во просториите на општина Чаир се одржа Отворен ден на Комисијата за односи помеѓу заедниците од општина Чаир. Овој Отворен ден беше искористен и за промоција на Прирачникот за комисиите за односи помеѓу заедниците, како и Заклучоците од конференцијата „Како до поефикасни Комисии за односи меѓу заедниците“.

Во среда, 15.06.2011 година со почеток од 12.00 -13.00, во просториите на општина Чаир ќе се организира Отворен ден на Комисијата за односи помеѓу заедниците од општина Чаир и промоција на Прирачник за комисиите за односи помеѓу заедниците.

Во петок, на 18 февруари, 2011 година претставници на Советот, Комисијата за односи меѓу заедниците, и јавната администрација од општина Чаир,  претставници на  локални невладини организации, како и претставници на локални медиуми ќе земат учество на јавната средба на тема: "Креирање на програма за работа на Комисијата за односи меѓу заедниците во општина Чаир“

Јавната средба  ќе се одржи во салата на општина Чаир  со почеток од 13.00 - 14.00.

На 04.02.2011, од 11:00 до 12:00 часот, во канцеларијата на Комисијата за односи меѓу заедниците во општина Чаир, се одржа третиот по ред отворен ден. На отворениот ден присуствуваа тројца членови на КОЗ: претставникот на албанската заедница, Мукадес Хајдари, претставникот на босанската заедница, Вехбија Ризвановиќ и претставникот на македонската заедница, Васил Пеовски. Присуство земаа и по еден претставник од Фондацијата Метаморфозис, организацијата Заеднички вредности и координаторот на КОЗ, Лејла Алиловска.

Заеднички вредности од Скопје во соработка со Фондација Метаморфозис, на 20.01.2011 со почеток од 11.00 до 13.00 часот, во просториите на општина Чаир  организираа обука  за коритење на Архива на случаи. Обуката беше наменета за членовите на Комисијата за односи со заедниците - (КОЗ) од општина Чаир.

На 28 декември 2010 година се одржа јавна средба на тема „Граѓаните и меѓуетничките односи – предизвици и можности во општина Чаир“. Јавната средба се одржа во просториите на Советот на општина Чаир од 13 до 14 часот.

На средбата присуствуваа членови на Комисијата за односи со заедниците на Чаир, извршниот директор на ЗЕЛС , г-ѓа Ардита Дема, како и претставници од невладиниот сектор. Средбата ја модерираше г. Филип Стојановски од Фондацијата Метаморфозис.

На 28.12.2010 година со почеток од 13:00-14:15 во салата на Советот на општина Чаир,ќе се одржи јавна средба нтема: “Граѓаните и меѓуетничките  односи – предизвици и можности во општина Чаир“.

Целта на средбата е да се  отвара  дискусија за предизивиците и можностите помеѓу институциите, невладините организации и етнички заедници од аспект на меѓуетничките односи.

На средбата ќе учествуваат локални невладини организации, претставници на Комисијата за односи меѓу заедниците, претставници на Советот  и јавната администрација од општина Чаир како и претставници на локални медиуми.

Работната средба во Општина Чаир се одржа на 22 јуни, 2010 година во просториите на општината. На средбата учествува претставниците на ЕЛС, претставник од оделението за Локален економски развој и членовите на Комисијата за односи меѓу заедниците (КОЗ).